FIER– “Blutë” e Fierit kanë vënë në pranga ditën e sotme një 49-vjeçare, pasi dhunoi avokatin brenda zyrës së tij.
Avokati 59-vjeçar, banues në Fier rezulton të jetë përfaqësuesi ligjor i djalit të saj, në procesin gjyqësor kundër prindërve.
Pas njoftimit të këtij rasti, policia ka arrestuar 49-vjeçaren, ndërsa po heton më shumë mbi rastin.
NJOFTIMI I POLICISË:
Specialistët për Hetimin e Krimeve të Komisariatit të Policisë Fier arrestuan në flagrancë shtetasen V. Xh., 49 vjeçe, banuese në fshatin Mbrostar Ura, pasi dyshohet se ka kanosur dhe ka goditur në zyrë, shtetasin A. K., 59 vjeç, banues në Fier, i cili është avokati që përfaqëson djalin e saj, në procesin gjyqësor kundër prindërve./Radar.al