Së fundmi rekordet botërore Guinness celebruan përvjetorin e 20-të duke ftuar kështu në Londër dy fitueset e tyre, gruan më të shkurtër dhe atë më të gjatë në botë.
Teksa njerëzit me diferencë madhore gjatësie u takuan, megjithë ndryshimin fizik, kuptuan se kishin shumë të përbashkëta, shkruan rrjeti britanik Ladbible.
27-vjeçarja turke Rumeysa Gelgi, dizenjatore faqesh interneti, është aktualisht gruaja më e gjatë në botë, e cila arrin në 215.16cm.
Gelgi trashëgon një gjendje të rrallë gjenetike që i shkakton rritje të pazakontë të kockave, gjë që është parë në afro 50 njerëz në botë.
Mjekët thonë se nuk kanë një kurë dhe se personat preken në mënyra të ndryshme prej saj.
Ndërsa 30-vjeçarja indiane Jyoti Amge – e cila ka luajtur dhe në disa filma – mban rekordin Guinness si gruaja më e shkurtër në botë, me gjatësinë e saj vetëm prej 62.8cm.
Amge ka një formë nanizmi prej ndryshimeve gjenetike në krahë e këmbë, sipas mjekëve të Cleveland Clinic.
Amge e Gelgi u takuan në hotelin Savoy ku dhe folën me styre për eksperiencën e të njohurit me dikë që ishte në pamje “kaq i ndryshëm nga vetvetja e tyre”.
Gelgi tha se ato kishin shumë gjëra të përbashkëta: “Ne të dyjave na pëlqen kujdesi për veten, të lyejmë thonjtë.”
Nga ana tjetër Amge pohoi se mërzitej kur shihte vetëm njerëz më të gjatë se vetja, por tha se ishte e lumtur që njohu “gruan më të gjatë në botë”.
“Jam e lumtur që u njoha me Rumeysa, ajo ka një natyrë të mirë dhe isha shumë e qetë kur flisja me të”.