Policia Kufitare ka goditur një tjetër rast kontrabande në pikën kufitare të Goricës. Gjatë kontrollit në vijën e dytë, shërbimet e policisë konstatuan në automjetin e shtetasit D. Xh., 61 vjeç, banues në fshatin Belorta, një depozitë të fshehtë me sasi nafte, për të cilën ai nuk kishte dokumente shoqëruese.
Pas veprimeve procedurale, 61-vjeçari u arrestua në flagrancë për veprën penale “Kontrabanda me mallra për të cilat paguhet akcizë”, ndërsa materialet iu referuan Prokurorisë së Korçës për hetime të mëtejshme.