Është bërë e ditur dëshmia e 18-vjeçares N. M., e cila u vetëplagos me armë zjarri në mesnatë në një hotel në Sauk.
Vajza ka deklaruar se ndodhej e vetme në dhomë gjatë ngjarjes, ndërsa i dashuri i saj, E. Gjuta, dhe persona të tjerë ndodheshin jashtë. Ajo ka treguar gjithashtu se kishte pasur më parë përpjekje të dëmtojë veten duke marrë medikamente dhe në dëshminë e saj ka thënë: “Kam gabuar në jetë”.
Në lidhje me ngjarjen, dy persona janë arrestuar: M. Gjuta dhe V. Gjuta. Tre të tjerë, përfshirë edhe i dashuri i 18-vjeçares, janë shpallur në kërkim: E.Gjuta, S. Gjuta dhe E. Gjuta.
Burimet bëjnë me dije se E. Gjuta dyshohet të ketë pasur armën që përdori N. M. Autoritetet vijojnë punën për gjetjen dhe sekuestrimin e armës së zjarrit, si dhe për hetimin e plotë të ngjarjes, me qëllim dokumentimin ligjor të rastit dhe sigurinë e të gjithë personave të përfshirë.