Barcelona po kërkon përforcime në sulm për sezonin e ardhshëm dhe sipas SPORT, sulmuesi 22-vjeçar i Chivas, Armando Gonzalez, është bërë një objektiv konkret për Dekon në javët e fundit.
Klubi katalanas ka nisur tashmë kontaktin fillestar përmes drejtorit të tij sportiv, duke hapur një dialog me babanë e lojtarit duke treguar interes serioz, megjithëse negociatat nuk janë ende në një fazë të avancuar.
Gonzalez, me nofkën “La Hormiga” (Milingona), është vendosur si një nga finalizuesit më të frytshëm të Liga MX këtë sezon, duke regjistruar 17 gola dhe një asist në 24 paraqitje për Chivas. Falë lëvizjeve të tij të shpejta, reagimit dhe qetësisë para portës, sulmuesi i ri ka tërhequr vëmendjen e disa klubeve evropiane në muajt e fundit.
Në Meksikë, lidhja me Barcelonën shihet si një lëvizje strategjike me një dozë të konsiderueshme të vërtetë. Me Hansi Flik të thirrur për të planifikuar të ardhmen pas Robert Levandovskit dhe kufizimeve financiare të klubit që pengojnë çdo nënshkrim të madh, Gonzalez përfaqëson një opsion të arritshëm me një kthim të garantuar, me një vlerë tregu dukshëm më të përballueshme se lojtarët më të mirë në kontinentin e vjetër./PanoramaSport