Aktori Julian Deda ka reaguar me tone të forta pas një incidenti në Degën e Partisë Demokratike në Kamëz, ku sekretari Flamur Noka u përplas me një zonjë demokrate që po kërkonte llogari për situatën e partisë.
Gjatë debatit, Noka i tha demokratës:
“Po të sqaroj që statuti nuk lejon me t’pyt ty për primaret, se i vendos unë që jam në qendër, s’të pyes ty fare.”
Pranë tij ndodhej kryetarja e Forumit të Gruas, Albana Vokshi, e cila nuk ndërhyri për të mbrojtur demokratën.
Julian Deda deklaron se “Muli” mendon se është pronar i partisë dhe ka një kritikë dhe për Vokshin:
“Mirë Muli që tenton t’i mbyllë gojën një zonje që thotë të vërtetën, po Albana që duhet të mbrojë gratë demokrate, pse nuk reagon?”
Reagimi i Dedës ka nxitur diskutime të forta mbi rolin e drejtuesve të partisë në trajtimin e grave brenda PD-së.