Ish-banori i Big Brother VIP Albania 4, Joz Marku, duket se po shijon një kapitull të ri në jetën e tij sentimentale.
Prej disa javësh është zbuluar lidhja e tij me bukuroshen që në Instagram njihet si Xhoana Toshi. Së fundmi, ajo ka publikuar një InstaStory ku shfaqet pranë këngëtarit, por pa e zbuluar plotësisht fytyrën e tij, duke shtuar më shumë kureshtje tek ndjekësit.
Nga pamjet e ndara, duket qartë se çifti është bërë i pandashëm dhe po kalon kohë të bukur së bashku.
Kjo romancë vjen pas ndarjes së Jozit nga ish-banorja tjetër e formatit, Loredana Brati, me të cilën nisi një lidhje brenda shtëpisë së Big Brother. Marrëdhënia e tyre vazhdoi edhe jashtë, por zgjati pak për shkak të problemeve të shumta mes tyre.
Edhe gjatë qëndrimit në shtëpi, Jozi u bë shpesh pjesë e ngjarjeve dhe dinamikave që tërhoqën vëmendjen e publikut.