Krahas bashkëshortes Linda Rama dhe fëmijëve Gregori, Rea dhe Zaho, që qëndruan në vijë të parë në mitingun e fitores së Partisë Socialiste në sheshin “Skënderbej”, në sfond është shfaqur edhe vëllai i kryeministrit, Olsi Rama.
I pozicionuar disa metra më tutje, Olsi Rama u pa më i tërhequr, por tërhoqi vëmendjen e të pranishmëve dhe mediave teksa filmonte me telefon momentet e fjalimit të vëllait të tij, Edi Rama. Ndërsa kryeministri falënderonte qytetarët për mbështetjen dhe përsëriste premtimet e dhëna gjatë fushatës, Olsi dokumentonte gjithçka me kujdes nga distanca.
Prania e tij në një ngjarje të tillë publike nuk kaloi pa u vënë re.
