IRAN– Forcat Ajrore Izraelite (IDF) goditën gjashtë aeroporte në Iranin perëndimor, lindor dhe qendror mëngjesin e kësaj të hëne.
Ushtria shtoi se sulmet shkaktuan dëme në pista fluturimi, bunkerë nëntokësorë, një aeroplan furnizimi me karburant dhe avionë luftarakë, duke përfshirë F-14, F-5 dhe AH-1, të cilët i përkasin regjimit iranian.
IDF deklaroi gjithashtu se sulmet u kryen për të forcuar dominimin mbi hapësirën ajrore iraniane dhe avionët e goditur ishin të destinuar për t’u përdorur kundër Izraelit.
Përveç kësaj, mbi 15 avionë luftarakë të Forcave Ajrore Izraelite shënjestruan vendet e lëshimit dhe magazinimit të raketave tokë-tokë në zonën e Kermanshah, të vendosur në Iranin perëndimor, tha ushtria.
Sipas zyrtarit ushtarak izraelit, avionët luftarakë izraelitë goditën gjithashtu një sistem tokë-ajër në Teheran. Një dron izraelit u rrëzua mbi territorin iranian, por “nuk ka rrezik për rrjedhje informacioni,” ka njoftuar Forca e Mbrojtjes së Izraelit (IDF). Ndërkohë, edhe Irani ka ndërmarrë një sulm ndaj Izraelit të hënën, duke lëshuar një raketë që u kap nga sistemet e mbrojtjes ajrore izraelite, sipas të dhënave të IDF-së./JPOST/Radar.al
“S’më rr*het për policinë”/ Rinumërimi, plas sherri me Ilir Rusmalin, Dogjani: Më keni vjedhur votat