Trajneri i Mançester Sitit, Pep Guardiola, foli për TNT Sports, duke bërë shaka në lidhje me peshën e lojtarëve të tij pas Krishtlindjeve.
Kjo për shkak të deklaratës që ai bëri para 25 dhjetorit për të përjashtuar çdo lojtar nga skuadra nëse do të zbulohej se nuk ishin në sinkron.
“I vetmi që është mbipeshë është trajneri, pjesa tjetër është perfekte!”, tha me humor trajneri spanjoll.
Ai u ndal edhe te fituesi i “Topit të Artë”, Rodri. “Jam i lumtur që Rodri është rikthyer në hapat e tij të parë. Kemi pasur dy ose tre rikthime, kështu që duhet të jemi të kujdesshëm me minutat derisa ai të jetë gati. I dëgjoj me vëmendje mjekët dhe fizioterapistët dhe ai do të fillojë në stol”, deklaroi Guardiola./PanoramaSport