PRISHTINË– Policia e Kosovës ka urdhëruar ditën e sotme që të gjithë deputetët dhe stafin e Kuvendit të Kosovës të evakuohen nga objekti, pasi ka qenë një telefonatë se brenda objektit është një bombë.
Kreu i Prokurorisë Themelore të Prishtinës, Zejnullah Gashi, deklaroi se nga vendi i ngjarjes se kërcënimi ka rezultuar se është i rremë.
“Njoftimi për kërcënim me bombë ka ardhur rreth orës 10:54. Gjithë njësitet e policisë kanë dalë në vendin e ngjarjes, përfshirë edhe Prokurorinë Themelore të Prishtinës. Në vendin e ngjarjes janë edhe Njësiti k9 dhe Njësiti për deminim, të cilët kanë bërë punën e vetë edhe ka rezultuar se është kërcënim i rremë”, u shpreh ai.
Zejnullahu tha se do të vazhdojnë me hetimet se nga ka ardhur telefonata anonime.
“Nuk ka diçka që ja vlen të ceket nga vendi i ngjarjes, hetimet për thirrjen telefonike do të vazhdojnë, ka qenë me zë mashkulli me gjuhë angleze, ne mendojmë që është nga shtet jo mike.”-deklaroi ai./Radar.al
Çfarë ndodh brenda Akademisë Politike për deputetët e rinj të PS, Kuko: S’kemi nota dhe provime
Rimarrja e mandatit/ Kuko: Zegjine Çaushi luftoi për skuadrën, edhe Zelensky ishte komedian