Ish-futbollisti i Juves mund të kthehet në Seria A, sulmuesi pëlqehet nga dy rivalë të bardhezinjve
Federiko Kieza e gjen veten në një udhëkryq vendimtar në karrierën e tij. Pavarësisht talentit të tij të qartë si kristali, minutat e kufizuara te Liverpulit e ka vënë në dyshim të ardhmen e tij në Anfield.
Trajneri Xhenaro Gatuzo, duke folur për situatën e tij, ka sugjeruar që lojtari të gjejë një vend që do t’i lejojë atij të kthehet të luajë rregullisht dhe Kieza, i cili tregoi rezistencë ndaj largimit nga Liverpulit janarin e kaluar, tani do të duhet të mendojë thellë se çfarë të bëjë. Rruga më e mundshme duket se çon në një rikthim në Serie A, me Napolin e Antonio Kontes që përfaqëson një zgjidhje ideale.
“Azurrët” të cilët gjithmonë kanë treguar interes për të mund të përfaqësojnë një rrugëdalje të dyfishtë drejt Serie A. Në fakt, napolitanët janë gjithashtu në ndjekje të Darvin Nunjez, një sulmuesi tjetër që po largohet nga Liverpuli. Nëse të dy operacionet do të materializoheshin, klubi i Aurelio De Laurentis mund të përfundonte një operacion të dyfishtë tregu që do t’i jepte Kontes një sulm të nivelit më të lartë.
Ideja e Napolit e intrigon mjaft Kiezën, por është edhe Milani i ri i Alegrit që po shqyrtohet. Siç shkroi Corriere della Sera këtë mëngjes, paga e ish-lojtarit të Fiorentinës dhe Juventusit (7.5 milionë) është megjithatë jashtë mundësive për arkat e kuqezinjve./PanoramaSport