Qeveria iraniane njoftoi sot heqjen e ndalimit të internetit, i cili ishte vendosur gjatë periudhës së tensioneve dhe luftës me Izraelin.
Ministri i Komunikacionit, Sattar Hashemi, deklaroi se “Aksesi në internet është rikthyer në normalitet.” Megjithatë, shumë përdorues në Teheran raportuan se lidhjet mbeten të ngadalta dhe disa faqe nuk ngarkohen ende.
Për një javë të tërë, shumica e popullsisë ishte pothuajse e shkëputur nga faqet e huaja të internetit dhe shërbimet e mesazheve. Autoritetet e sigurisë justifikuan ndalimin si një masë ushtarake për mbrojtje ndaj sulmeve izraelite.
Megjithatë, shumë qytetarë nuk pranuan këtë shpjegim dhe e akuzuan qeverinë për përdorim të censurës, me qëllim kontrollin e informacionit lidhur me luftën.