Elon Musk ka ndërmarrë një hap të fortë në mbështetje të qytetarëve iranianë duke aktivizuar shërbimin satelitor Starlink, pas kufizimeve të vendosura nga regjimi islamik ndaj aksesit në internet.
Themeluesi i SpaceX konfirmoi përmes rrjeteve sociale se “sinjali është ndezur”, duke iu referuar aktivizimit të Starlink në Iran, në një kohë kur vendi po përballet me tensione të larta pas sulmeve izraelite ndaj objekteve të dyshuara bërthamore.
Starlink, rrjeti global i internetit satelitor i krijuar nga SpaceX, është veçanërisht i dobishëm në zona të izoluara ose në vende ku qeveritë kufizojnë lirinë e informimit. Satelitët e tij operojnë pranë Tokës dhe ofrojnë lidhje interneti të shpejtë me vonesë minimale.
Ky vendim i Muskut erdhi menjëherë pas njoftimit të Ministrisë iraniane të Komunikimit, e cila deklaroi se “për shkak të kushteve të veçanta në vend, janë vendosur kufizime të përkohshme në internetin kombëtar”.
Ky veprim i miliarderit amerikan është parë si një akt solidariteti me qytetarët iranianë që kërkojnë akses të lirë në informacion dhe komunikim, përballë ndërprerjeve të qëllimshme të regjimit.
— Mark R. Levin (@marklevinshow) June 14, 2025