Vlera e kompanive ruse Rosneft dhe Lukoil ka pësuar humbje miliardëshe pas sanksioneve të vendosura nga Shtetet e Bashkuara.
Miliarderi rus dhe pronari kryesor i Lukoil, Vagit Alekperov, humbi mbi 1 miliard dollar vetëm në dy ditë, sipas raportimeve të The Moscow Times.
Aksionet e Rosneft ranë me 3%, duke shkaktuar një humbje prej 1.56 miliard dollarësh për kompaninë, ndërsa aksionet e Lukoil u ulën me 7.2%, duke shkaktuar një humbje prej rreth 4 miliard dollarësh.
Sanksionet amerikane, të cilat prekin aktivitetet ndërkombëtare të kompanive, mund të krijojnë vështirësi në furnizimet e naftës për Indi dhe në operacionet tregtare në Dubai. Përveç kompanive mëmë, 36 filialet e tyre gjithashtu janë sanksionuar, duke kufizuar dukshëm rrugët e tyre të veprimit.