Pas zbulimit të dëmtimit të infrastrukturës rrugore dhe ngritjes së strukturave tregtare në zonat ku turistët lëvizin shpesh, si në bypass-in e Kaninës dhe në aksin Orikum-Dukat, inspektorët e Agjencisë Kombëtare të Transportit Rrugor (AKTR) janë aktivizuar në terren për të vëzhguar situatën aktuale.
AKTR ka njoftuar se do të vazhdojë monitorimin e rregullt në këto zona, duke identifikuar dhe ndëshkuar çdo rast shkeljeje në bashkëpunim me organet tjera zbatuese të ligjit. Ky veprim synon të sigurojë integritetin e infrastrukturës rrugore dhe qëndrueshmërinë e sezonit turistik të vitit 2024.