Horror në Argjentinë. Një burrë 37-vjeçar është arrestuar në provincën veriperëndimore të Jujuy, i akuzuar për vrasjen dhe copëtimin e të paktën pesë personave, shumica të pastrehë dhe të moshuar.
Sipas autoriteteve, i dyshuari u ofronte viktimave punë, i ftonte në shtëpinë e tij dhe më pas i vriste me brutalitet makabër. Prokuroria ka konfirmuar gjetjen e kockave, gjaku, lëkure njerëzore, madje edhe një hundë në banesën ku ndodheshin edhe një furrë e improvizuar për djegien e trupave.
Zbërthimi i rastit nisi pas zhdukjes së disa personave dhe verifikimit të pamjeve të kamerave të sigurisë, që çuan hetuesit te shtëpia e autorit.
Jujuy: detuvieron a un presunto asesino serial
Habría asesinado a 5 personas en situación de calle
Sumate al vivo por #C5N y en https://t.co/9fxDe5JViU pic.twitter.com/jVGiNhcIdH
— C5N (@C5N) August 4, 2025
Një adoleshent 16-vjeçar, që jetonte në shtëpi dhe u prezantua si nipi i autorit, vendosi të tregojë gjithçka:
“Ai dilte të premteve dhe sillte njerëz që i mashtronte me punë. Pinin diçka, pastaj… unë ikja, sepse e dija çfarë ndodhte: i vriste, i priste, i digjte dhe i hidhte në qese plehrash.”
Hetimet po vijojnë me analizimin e mbetjeve dhe krahasimet e ADN-së për të identifikuar viktimat. Autoritetet nuk përjashtojnë që numri i të vrarëve të jetë edhe më i madh.