Nga Korça, Sali Berisha ka bërë thirrje të fuqishme për qytetarët të mos i votojnë partitë e reja që sipas tij, i kishte ftuar në koalicion, por që refuzuan të bashkoheshin me Partinë Demokratike. Në një deklaratë të fortë, Berisha u shpreh se ftesa e tij ishte bërë për të mbrojtur interesin e qytetarëve dhe për të bashkuar votat e opozitës, që të mund të mundnin Edi Ramën.
Sipas tij, partitë që nuk iu bashkuan koalicionit nuk e kuptuan rëndësinë e bashkëpunimit dhe tani janë duke kërkuar një ndarje të votës opozitare, duke hequr maskat e qëndrimeve të tyre. Ai theksoi se ata që nuk janë për rotacion, në fund mbështesin Ramën.
“Për interesin e qytetarëve, unë i ftoj ata të mos votojnë për këto parti. Ata që ishin ftuar për të qenë pjesë e koalicionit, por nuk erdhën, tani po përpiqen të krijojnë përçarje në radhët e opozitës. Ata që thonë se janë kundër sistemit, nuk janë asgjë tjetër veçse një mbështetje për Edi Ramën”, tha kreu i PD.
Duke bërë një krahasim, ai shtoi: “Të kishin pasur 1/10 të karakterit të Ilir Vrenozit, do të ishim sot mes nesh.”