TIRANË– Artisti i njohur shqiptar, Stine, së fundmi ka folur për një nga lidhjet e tij të dashurisë më të përfolura të së kaluarës, romancën me Roza Latin.
Në një intervistë të dhënë për emisionin “Andale”, artisti u pyet për këtë marrëdhënie që daton që në vitin 2010, një kohë kur të dy ishin shumë aktivë në botën e showbiz-it dhe lidhja e tyre u kthye në temë të diskutuar nga mediat dhe publiku.
I pyetur se si e kujton këtë periudhë sot, Stine u shpreh: Asnjë gjë, kohë e bukur. Jam me fat që kam qenë në atë moment. Çdo kohë duhet respektuar.
Megjithatë, ai theksoi se marrëdhënia me Rozën ka mbetur vetëm në kujtime dhe nuk ka pasur asnjë lloj kontakti mes tyre prej vitesh: Nuk është se kemi kontakte, e as që jemi miq. Stine la të kuptohet se raporti është i mbyllur dhe nuk ka ndonjë vazhdimësi në jetën personale të tij. Kujtojmë që moderatorja e njohur Roza Lati prej disa kohësh ka bërë publike lidhjen e saj të dashurisë me Xhonatan Islamin.
“Unë Xhonatanin e gjeta në det. Shpirtrat binjakë gjejnë njëri-tjetrin. U kuptuam dhe që nga ajo ditë nuk kemi qëndruar më pa njëri-tjetrin.”- ka thënë moderatorja./Radar.al