Gjykata e Posaçme për Korrupsionin dhe Krimin e Organizuar (GJKKO) dënoi me 4 vite burg Muhamet Manollarin, i akuzuar për kryerje shërbimesh ndaj personave të shpallur.
Sipas SPAK, në nëntor 2018, ai i ka dërguar 864 euro babait të tij, Mehdi Manollari, që ndodhej në Siri, përmes një shtetasi sirian, pasi i ati ndodhej në listën e personave ndaj të cilëve nuk lejohej kryerja e transfertave financiare.
Për të realizuar pagesën, Manollari përdori një dokument identiteti të falsifikuar në emër të një shtetaseje që e kishte shpallur të humbur.
Vendimi përfshin gjithashtu shkatërrimin e dokumentit të falsifikuar dhe ngarkimin e Manollarit me shpenzimet e hetimit dhe gjykimit. Ai ka të drejtë apelimi brenda 15 ditësh.