TIRANË- Policia ka arrestuar një shtetas shqiptar 24-vjeçar i dënuar me burg në Itali për krime seksuale.
Bëhet fjalë për Erbin Nazeraj, i cili është dënuar nga Gjykata e Apelit në Gjenova, në vitin 2024 me 6 vjet burgim, për marrëdhënie seksuale me dhunë, për keqtrajtim dhe për vjedhje.
Erbin Nazeraj u kap në fshatin Cakran dhe do të ekstradohet drejt shtetit fqinj.
NJOFTIMI I POLICISË:
Finalizohet nga Drejtoria e Forcës së Posaçme Operacionale, operacioni policor i koduar “Operacionalja 38”. I dënuar nga Gjykata e Apelit në Gjenova, me 6 vjet burgim, për krime seksuale, krime kundër personit dhe krime kundër pasurisë, kapet në fshatin Cakran, 24-vjeçari. Si rezultat i koordinimit të punës dhe shkëmbimit të informacioneve, me partnerët italianë, nëpermjet strukturave homologe Interpol Tirana dhe Interpol Roma, shërbimet e Drejtorisë së Forcës së Posaçme Operacionale, në kuadër të operacionit “Operacionalja 38”, lokalizuan në fshatin Cakran, Fier, kapën dhe vunë në pranga, me qëllim ekstradimin në Itali, shtetasin Erbin Nazeraj, 24 vjeç. Ai ishte në kërkim ndërkombëtar, sepse Gjykata e Apelit në Gjenova, në vitin 2024, e ka dënuar me 6 vjet burgim, për marrëdhënie seksuale me dhunë, për keqtrajtim dhe për vjedhje. Interpol Tirana po bashkëpunon me homologët në Romë, për të finalizuar ekstradimin e këtij shtetasi, në Itali.
Rama: Rubiku do kthehet në një prej qendrave kryesore të prodhimeve ushtarake
Berisha nga Kruja me xhamadan e qeleshe në kokë: Duhej të hiqja xhaketën
Fluksi në Kakavijë dhe Kapshticë, Pashkët “rikthejnë” 16 mijë emigrantë në atdhe
I dënuar në Itali për p*rdhunim, arrestohet 24-vjeçari shqiptar (EMRI)