Regjistrimet online për klasat e para dhe të dhjeta në platformën e-Albania kanë nisur sot për vitin shkollor 2024-2025.
Afatet e regjistrimit janë unifikuar për të gjitha nivelet e arsimit parauniversitar dhe janë zgjeruar nga 8 korrik deri më 31 gusht 2024, duke u ofruar prindërve fleksibilitetin e nevojshëm për të regjistruar fëmijët e tyre në kohën që u përshtatet më mirë.
Ministrja e Arsimit, Ogerta Manastirliu, e ka bërë këtë njoftim publik përmes një postimi në “Facebook”.
Postimi i plotë:
Regjistrimet online në e-Albania për klasat e para dhe të dhjeta fillojnë sot më 8 korrik dhe sistemi do të jetë i hapur deri më 31 gusht, për të mundësuar regjistrimin e fëmijëve në kohën më të përshtatshme për çdo prind.