Një 36-vjeçar rrëfen se pas 12 vite martesë, nga e cila ka 3 fëmijë, në fundit të vitit 2020, gruaja e tradhton dhe largohet nga banesa.
Ajo i braktisi atë dhe fëmijët. I riu bën denoncim në polici, pret 3 muaj dhe më pas kërkon divorcin.
Denoncuesi: I ka thënë “mami po ikën në punë, mos u bëni merak, do iki dhe do të kthehem shumë shpejt”. Ndërkohë unë kam qenë në punë, kam ardhur dhe i kam pyetur fëmijët ku është, “është në punë babi”. Kam bërë një denoncim te rajoni nr.4, prita 3 muaj, unë e marr vesh nga prindërit e vet që “edhe neve na ka ikur nga shtëpia”. Derisa s’do fëmijët e vet, unë u hyra procedurave për divorc.
Gjykata e Shkallës së parë pranon zgjidhjen e martesës dhe i jep kujdestarinë atij.
Për shkak se ishte jashtë denoncuesi tregon se çoi nënën në gjendjen civile të njësisë nr. 4 me vendimin e gjykatës për ta regjistruar, por aty i thonë se nuk figuron më në njësinë 4 por në Kashar. Ish-gruaja i kishte ndryshuar vendbanimin, duke e çuar bashkë me tre fëmijët në Kashar. Kur zotëria shkon vetë në Kashar, zbulon se përvec tre fëmijëve, ish-bashkëshortja i kishte shtuar edhe një fëmijë të katërt që e kishte lindur pas ndarjes.
“Unë me thënë të drejtën preokupohem gjithmonë për fëmijën. Jam i detyruar të punoj edhe me orë të zgjatura, korrier te posta. 450 mijë lekë, nga ora 9 deri në orën 5. Jam i detyruar të punoj edhe jashtë orarit për t’ia dalë për të ushqyer këto tre fëmijë, falë dy prindërve të mi që përkujdesen dhe përkushtohen ndaj fëmijëve të mi. Kam ato që ia dal. Pensionin ushqimor…Shpresoj që gjykata të vërë dorën në zemër për një baba të vetëm që përkushtohet për këto fëmijë dhe kjo çështje të kalojë me përparësi në apel”, tha ai per emisionin Stop.