Të hënën, më 27 tetor 2025, pika kufitare e Kakavijës do të qëndrojë e mbyllur për katër orë, për shkak të grevës së doganierëve grekë.
Sipas njoftimit të autoriteteve kufitare, bllokimi i lëvizjes do të zgjasë nga ora 06:00 deri në 10:00 (me orën shqiptare).
Gjatë kësaj kohe nuk do të lejohet kalimi i mjeteve, ndërsa përjashtim do të bëjnë vetëm këmbësorët pa bagazhe dhe automjetet me emergjenca shëndetësore.
Policia Kufitare e Kakavijës ka kërkuar mirëkuptimin e qytetarëve dhe u sugjeron udhëtarëve që të planifikojnë lëvizjet në orare të tjera të ditës, për të shmangur vonesat dhe problematikat që mund të shkaktojë greva.