Elita Rudi reagon pas shpalljes së pafajshëm të Gjikos: “Sot qaj nga gëzimi, e vërteta u tha!”
Reperi i njohur nga Peja, Asdren Gjikolli – i njohur me emrin artistik Gjiko – është shpallur i pafajshëm këtë të hënë nga Gjykata Themelore në Prishtinë, në lidhje me akuzën për dhunim që rëndonte mbi të. Vendimi u përshëndet me emocion nga bashkëshortja e tij, prezantuesja Elita Rudi, e cila i ka qëndruar pranë gjatë gjithë këtij procesi të vështirë.
Përmes një postimi në rrjetet sociale, Elita shprehu lehtësimin dhe gëzimin e saj për këtë vendim, duke theksuar se gjithmonë ka besuar në pafajësinë e partnerit të saj.
“Sot mbyllet një plagë që na dhembi, por kurrë nuk na ndau. Sot u vërtetua ajo që zemra ime e ka ditur gjithmonë: ti je i pafajshëm. I kemi duruar fjalë, akuza, dyshime… por asnjëherë nuk jemi dorëzuar,” shkroi ajo.
Elita kujtoi momentet e vështira dhe forcën e bashkëshortit për të qëndruar i palëkundur përballë sfidave, duke shtuar: “Sot qaj nga gëzimi që e vërteta u tha. Përpara kemi vetëm dritë bashkë, më të fortë se kurrë.”
Mbrojtja e reperit u udhëhoq nga avokati i njohur Kujtim Kërveshi, të cilit ia kishte lënë si amanet mbrojtjen e tij i ndjeri Arlind Gjikolli – Gjikla.