Fituesi i edicionit të katërt të Big Brother VIP Albania, Gjesti, ka reaguar për herë të parë pas daljes nga shtëpia më e famshme në Shqipëri.
Në një postim emocionues në rrjetet sociale, këngëtari nga Peja e përshkruan eksperiencën si të paharrueshme dhe shprehet thellësisht mirënjohës për dashurinë dhe përkrahjen që ka marrë nga publiku.
Gjesti falënderon të gjithë ndjekësit për mbështetjen dhe për energjinë pozitive që i kanë dhënë gjatë rrugëtimit të tij në reality show, duke shtuar se është gati për një kapitull të ri në jetën dhe karrierën e tij.
Postimi i plotë i Gjestit
“Po dal prej një eksperience që nuk do ta harroj kurrë. Nuk e kam ditur që jashtë atyre mureve ka me më prit kaq shumë dashuri. Po ndihem shumë i bekuar.
Faleminderit për krejt mesazhet, dashurinë dhe përkrahjen që ma keni dhënë.
Prej pamundësisë me ia kthy secilit, dua të them që jam shumë mirënjohës dhe ju dua pafund.
Gati për kapitullin e ri. Gjesti”.
