Myrto Uzuni ka përjetuar një nga momentet më të veçanta të jetës personale – është bërë baba për herë të parë. Sulmuesi i Kombëtares shqiptare ka ndarë me ndjekësit një foto të djalit të porsalindur, duke zbuluar edhe emrin e tij: Prince Uzuni.
“Mirë se erdhe Prince Uzuni”, shkruan futbollisti në postimin e tij, të cilin e shoqëron me fjalë të ndjera për partneren, Uardën: “Të dua, Uarda”.
Lajmin se do të bëhej baba, Uzuni e ndau publikisht muaj më parë gjatë një feste të organizuar në “Arenën Kombëtare”, ku zbuloi gjininë e bebit përmes një momenti të veçantë me familjarët dhe miqtë e tij.
29-vjeçari aktualisht është pjesë e klubit amerikan Austin FC, që në janar aktivizoi klauzolën për ta transferuar nga Granada në Spanjë.
