Shumë përdorues e injorojnë, por një buton i vogël në telekomandë mund të bëjë diferencën mes një shtëpie të lagësht dhe një ambienti të pastër, të thatë dhe ekonomik: është modaliteti “Dry” (Tharje).
Ky funksion, i pranishëm pothuajse në çdo kondicioner modern, ul ndjeshëm konsumin e energjisë dhe ndihmon në parandalimin e lagështisë dhe mykut në periudhat e ftohta dhe të lagështa.
Si funksionon “Dry Mode”?
Ndryshe nga mënyra “Cool”, e cila ftoh intensivisht ajrin, “Dry Mode” ka për qëllim tharjen e ajrit duke reduktuar nivelin e lagështisë.
Në këtë modalitet:
Kompresori ndizet dhe fiket periodikisht;
Ventilatori punon me shpejtësi të ulët;
Konsumohet më pak energji elektrike.
Rezultati? Ajër më i freskët dhe më i thatë, pa ngrirë ambientin dhe pa rritur faturën e dritave.
Zgjidhje ideale kundër lagështisë dhe mykut
Gjatë vjeshtës dhe pranverës, kur jashtë ka lagështi të lartë, por ngrohja nuk është ende aktive, “Dry Mode” është shpëtimtar.
Ai ndihmon në:
Mbajtjen e lagështisë optimale 40–60%;
Parandalimin e mykut dhe njollave të errëta në mure;
Eliminimin e erërave të pakëndshme në tekstile dhe mobilje.
Përdoreni veçanërisht në banjo, kuzhina dhe kënde të mbyllura, ku lagështia grumbullohet më shumë.
Kur dhe sa gjatë ta përdorni?
Aktivizoni “Dry Mode” për 2–4 orë në ditë, kur ndjeni ajër të rëndë ose shihni kondensim në dritare.
Në verë: përdoreni mbrëmjeve për freski pa tepruar me ftohjen.
Në vjeshtë: gjatë ditës, kur temperatura e jashtme është mesatare, por ajri i ngopur me lagështi.
Përfitimet afatgjata
Sipas Panasonic Air Quality Lab dhe Daikin Research Center, përdorimi periodik i “Dry Mode”:
Ulon konsumin e energjisë deri në 30%;
Zgjat jetën e kondicionerit, pasi pajisja punon me më pak ngarkesë;
Përmirëson cilësinë e ajrit të brendshëm.