Një operacion i madh kërkimi dhe shpëtimi po zhvillohet në Kanalin Anglez pasi një varkë me dhjetëra emigrantë u përmbys në brigjet e Le Portel në Francën veriore.
Roja bregdetare thotë se 12 persona vdiqën dhe 53 persona u shpëtuan.
Shumë nga të mbijetuarit kanë nevojë për kujdes mjekësor urgjent dhe një qendër trajtimi u ngrit në Boulogne-sur-Mer.
Roja bregdetare shtoi se moti në Kanal është shpesh i vështirë – dhe është i rrezikshëm edhe kur deti duket i qetë.
Ministri i Brendshëm francez Gérald Darmanin, i cili po shkon drejt qendrës së shpëtimit në Boulogne-sur-Mer, thotë se dy persona të tjerë rezultojnë të zhdukur dhe disa persona kanë nevojë për trajtim spitalor.
Agjencia franceze e lajmeve AFP citon një burim të paidentifikuar të ketë thënë se numri i të vdekurve është 13, duke përfshirë tre të mitur.
Ende raportimet me shifra nuk janë zyrtare.
Ky është numri më i madh i viktimave në Kanal që nga fillimi i vitit.
Ai e çon në afro 40 numrin e emigrantëve që kanë vdekur duke u përpjekur të kalojnë në Angli në vitin 2024.
Zyrtarët francezë fajësojnë për rritjen e numrit të vdekjeve trafikantët e paskrupullt që grumbullojnë shumë njerëz në mjete lundruese. Nuk dihet ende nëse në varkë ka pasur edhe emigrantë shqiptarë.
Burimi BBC