LEZHË– Kryeministri Edi Rama sot nga Lezha ka ironizuar opozitën duke thënë se fronti i kundërshtarëve nuk ka lënë gjë pa thënë dikur, gjë të cilën e vazhdon edhe sot.
Bazuar në atë deklaron kryeministri, PS-ja, ndryshe nga forcat politike nuk ka vënë asnjëherë asgjë tjetër përpara interesit kombëtar të vendit.
Numri një i qeverisë tha se PS u sulmua brutalisht si e lidhur me Serbinë, duke shtuar se ata që rrihnin gjoksin ditën, referuar Sali Berishës, natën thyente embargon e vendosur nga bota demokratike ndaj regjimit serb të Sllobodan Millosheviç.
“Duken si fjalë të zakonshme në kuptimin që duket gjëja më e zakonshme dhe normale që një forcë politike të ketë në qëndrim solid të palëkundur dhe të kthjellët në raport me intesin kombëtar por ja që nuk kaë e zakonshme, se po të ishte kështu, do të ishte karakteristikë e të gjitha forcave politike të Shqipërisë. Por kjo është karakteristikë e vetëm PS-së, sepse vetëm PS, që në krye të herës nuk ka lëvizur asnjëherë, asnjë milimetër nga vija e drejtë e mbrojtjes së interesit kombëtar. Dhe për këtë ka plot shembuj që mund të merren por shembulli më kuptimplotë, e ulëritës në sensin negativ, është shembulli që dallon si ditën me natën PS me kundërshtarët e saj politikë. I dallon si dita me natën sepse sic ka ndodhur në historinë e 35 viteve, vazhdon ndodh edhe sot. PS ndodhet përballë një fronti kundërshtarësh sepse nuk lënë gjë pa thënë ndaj përfaqësuesve të saj. Nuk kanë lënë gjë pa thënë në krye të herës, nuk lënë gjë pa thënë sot dhe deri kur do të jenë ata që janë humbësit kronikë dhe shpirti i shkatërrimit në politikën shqiptare. Ata e sulmuan brutalisht PS si parti e lidhur me Serbinë, shërbëtore e Beogradit por e vërteta tregoi diçka krejt tjetër, se pikërisht ata që rrihnin gjoksin ditën dhe gjuanin me gurë PS, natën thyenin embargon e botës demokratike ndaj Milloshevicit, dhe furnizonin me naftë makinerinë e tij të spastrimit etnik. Ndërkohë që PS, që në ditën e parë të marrjes në dorë të frenave të vendit pas katrahurës së paimagjinueshme të 97, u bë mbështetja më e fortë, e përhershme deri në fund, deri në çlirimin e Kosovës, e UCK-së.”- tha Rama./Radar.al