Nga Samiti historik në Alaskë janë publikuar imazhe që tregojnë presidentin rus, Vladimir Putin, dhe presidentin amerikan, Donald Trump, të ulur pranë njëri-tjetrit, përpara një sfondi me mbishkrimet “Pursuing Peace” (Drejt Paqes) dhe “Alaska 2025”.
Të dy udhëheqësit shoqëroheshin nga delegacionet respektive, ndërsa dhjetëra gazetarë bënin pyetje mbi pritshmëritë e takimit. Në një moment, Putin u pa duke folur me zë të lartë, duke iu përgjigjur drejtpërdrejt njërës prej pyetjeve, çka shkaktoi një moment të pazakontë në sallë, raportoi BBC.
Samiti, i cili ka nisur sot, ka në qendër të diskutimeve përpjekjet për t’i dhënë fund luftës në Ukrainë dhe për të vendosur themelet e një marrëveshjeje paqeje. Takimi zhvillohet pa praninë e presidentit ukrainas, Volodimyr Zelensky, dhe shihet si një hap strategjik për të forcuar pozitat ndërkombëtare të Rusisë dhe SHBA-së.