FIER-Në ambientet e IEVP Fier, një baba, i cili po vuan dënimin e tij, ka kërkuar të surprizojë vajzën e tij të vogël në ditën e saj të lindjes.
Me ndihmën e stafit të burgut, u krijua një atmosferë festive, me dekorime dhe tollumbace, për ta pritur atë me buzëqeshje, dashuri dhe shumë emocion.
Në këtë ditë të rëndësishme për vajzën, ajo hyri në dhomën e takimit, pa e ditur që do të gjente një dhuratë të çmuar: një përqafim të ngrohtë nga babai dhe një ambient që flet me zemër për dashurinë prindërore, edhe pas mureve të trasha.
Nuk ishte vetëm një surprizë për të voglën, por edhe një kujtesë për të gjithë ne: dashuria nuk njeh kufij, dhe zemra e një prindi rreh fort pavarësisht rrethanave./Radar.al
Ndihmoi në shuarjen e flakëve, asfiksohet nga tymi nënkryetari i Bashkisë Delvinë
Thashethemet për një romancë të re/ Egli: Mos mendoni se jam kaq e cekët