Avishkar Raut, vetëm 16 vjeç, është kthyer në simbolin e protestave antikorrupsion që kanë përfshirë Nepal-in.
I njohur fillimisht për fjalimin e fuqishëm “Jai Nepal” gjatë një eventi shkollor në mars, Avishkar ndezi një valë zemërimi tek të rinjtë, duke i nxitur ata të kërkojnë drejtësi dhe transparencë nga qeveria.
Pamjet nga protestat tregojnë adoleshentin duke udhëhequr turmat me parulla dhe thirrje të zjarrta. Situata ka marrë përmasa dramatike: kryeministri K. P. Sharma Oli dha dorëheqjen, e cila u pranua nga presidenti, ndërsa ndërtesa e Parlamentit u sulmua dhe u dogj – një zhvillim që ka tronditur gjithë vendin.
Protestat e udhëhequra nga brezi Gen Z kanë marrë përkrahje edhe nga shumë figura të njohura nepaleze, duke e kthyer këtë lëvizje në një nga më të fuqishmet e viteve të fundit.
Historia e Avishkar Raut-it është dëshmi se mosha nuk është pengesë për të pasur një zë të fuqishëm. Vendosmëria e tij ka frymëzuar mijëra të rinj, duke treguar se brezi i ri ka forcën dhe guximin për të ndikuar në të ardhmen e vendit.