Gazetarja njëkohësisht dhe pedagogia e njohur Jonila Godole, i dha fund beqarisë së saj duke kurorëzuar dashurinë me diplomatin, ambasadorin austriak Christian Steiner.
Ishte Godole ajo që e bëri publik lajmin e papritur teksa publikoi në rrjetet sociale foto nga dasma e saj në ambientet e Butrintit.
Ndërkohë që Steiner, nuk është më ambasador në Shqipëri, por ka marrë të njëjtën detyrë në Malin e Zi.
Gazetarja tregon nëpërmjet fotografive se për herë të parë e ka takuar bashkëshortin e saj të arshshëm në janarin e vitit 1997, kur punonte gazetare tek gazeta “Koha Jonë”; ndërkohë që Christian Steiner sapo kishte filluar karrierën e tij diplomatike si atashe i ambasadës Austriake post që e mbajti nga viti 1996-1997.
Nga postimet e bëra kujtojmë se janë dashur më shumë se 12 vjet, që Christian dhe Jonila të ritakoheshin, dhe kjo ka ndodhur në tetorin e vitit 2019 kur Stainer u rikthye në Shqipëri.