Piloti italian Kimi Antonelli siguroi “pole position” pasditen e së shtunës në pistën e SPA, i vlefshëm për garën e Cmimit të Madh të Belgjikës në Formula 1. Piloti i makinës Mercedes dha kohën 1’44”361, duke ia hequr vendin e marë Max Verstappen në sekondat e fundit të kohës së rregullt.
Verstappen, që bëri një xhiro të mirë edhe falë ndihmës së shokut të tij të skuadrës, u klasifikua në vendin e dytë, me 3 të dhjetat më shumë. Koha e Antonelli mbetet e jashtëzakonshme. Në vendin e tretë u rendit Lando Norris me McLaren, por penaliteti me 10 pozicione e zbret në vendin e 13-të.
Kështu, vendin e britanikut e zë patrioti i tij George Russell me makinën tjetër Mercedes, duke lënë pas dy makinat Ferrari të Charles Leclerc (vendi 4) dhe Lewis Hamilton (vendi 5). Më pas, deri në “top-10” u renditën Oscar Piastri, Arvid Lindblad, Gabriel Bartoleto dhe Iscack Hadjar.