Prokuroria kryesore e Stambollit ka hapur një hetim pas arrestimit të 30 shtetasve turq nga forcat detare izraelite në ujëra ndërkombëtare. Ata ndodheshin në bord të flotës humanitare “Global Sumud”, e cila kishte nisur drejt Rripit të Gazës me qëllim dërgimin e ndihmave për popullsinë palestineze.
Sipas deklaratës zyrtare, hetimet do të fokusohen mbi akuzat për “plaçkitje të rëndë, dëmtime materiale dhe tortura”, ndërsa theksohet se veprimet izraelite bien ndesh me Konventën e OKB-së për Ligjin e Detit.
Mediat turke raportuan se komandot izraelite kanë ndaluar flotën në ujëra ndërkombëtare dhe kanë marrë në paraburgim 30 shtetas turq. Ngjarja ka shkaktuar reagim të menjëhershëm në Ankara.
Presidenti turk, Recep Tayyip Erdogan, e dënoi ashpër operacionin izraelit, duke e quajtur një akt agresioni ndaj një nisme paqësore.
“E dënoj sulmin e Izraelit ndaj Flotës ‘Global Sumud’, që kishte nisur për të sjellë ndihma humanitare për palestinezët. Kjo tregon edhe një herë se qeveria e Netanyahu nuk mund të durojë as paqen. Flota ekspozoi tragjedinë e Gazës dhe krimet e Izraelit përballë botës. Prioriteti ynë është ndalimi i derdhjes së gjakut në Gaza dhe sigurimi i shpërndarjes së lirë të ndihmave”, deklaroi Erdogan.
Flota ndërkombëtare përbëhet nga rreth 40 anije me aktivistë nga vende të ndryshme, të cilët po përpiqen të çajnë bllokadën izraelite për të dërguar ndihma humanitare në Gaza.
Turkish President Erdogan:
I condemn Israel’s attack on the Global Sumud Flotilla, which set out to deliver humanitarian aid to Palestinians.
This shows once again that Netanyahu’s government cannot even tolerate peace.
The flotilla exposed Gaza’s tragedy and Israel’s crimes… pic.twitter.com/D7hTy0lNo6
— Clash Report (@clashreport) October 2, 2025