Radhë të gjata janë shkaktuar në pikën e kalimit kufitar të Qafë Thanës, të cilat kanë ardhur si pasojë e lëvizjeve të shumta nga Maqedonia e Veriut në drejtim të vendit tonë.
Si rrjedhojë e këtij “mbingarkimi” po punohet me 5 sportele në hyrje, një prej të cilave është për mjetet e tonazheve të rëndë ndërsa 4 për autovetura.
Kujtojmë se përgjatë tre ditëve të fundit nëpërmjet kësaj pike kufijtare kanë hyrë më shumë se 20 mijë shtetas.
Burime pranë pikës së kalimit kufitar të Qafë Thanës bëjnë me dije se kur fluksi është i madh të dy policitë ajo shqiptare e maqedonase, në kontrollet e përbashkëta punojnë me procedurë të përshpejtuar.