Kandidati i opozitës për Bashkinë e Tiranës, Florian Binaj, i bëri një thirrje qytetarëve për t’u bashkuar në zgjedhjet lokale të kryeqytetit.
Përmes një videomesazhi në rrjetet sociale, Binaj theksoi se Tirana nuk është vetëm qyteti ku jetojmë, por edhe shtëpia që do t’ia lëmë fëmijëve tanë. Ai u bëri thirrje qytetarëve të votojnë duke menduar për të ardhmen e qytetit dhe të rinjve.
“Kemi dy rrugë përballë: të vazhdojmë me korrupsionin, betonin dhe administratën patronazhistë, ose të zgjedhim ndryshimin. Një bashki me njerëz të ndershëm dhe profesionistë që shërbejnë qytetarëve. Ju ftoj që të bëhemi bashkë për ndryshimin. Më shkruani shqetësimet, mendimet dhe historitë tuaja, së bashku mund ta ndryshojmë Tiranën,” deklaroi Binaj.