Parizienët kanë dhuruar një pjesë të parë spektakolare në finalen e Ligës së Kampionëve kundër Interit, duke shkuar në pushim me avantazhin e dy golave.
Në një përballje historike mes dy skuadrave që nuk janë ndeshur kurrë më parë në garat zyrtare europiane, PSG ka marrë kontrollin që në minutat e para. Achraf Hakimi zhbllokoi rezultatin në minutën e 12-të, ndërsa Warren Zaïre-Emery Doué dyfishoi shifrat vetëm tetë minuta më vonë, në të 20-tën.
Skuadra franceze, që kërkon trofeun e parë të Champions-it në histori, po dominon një Inter më të tërhequr, i cili kërkon të rikthehet në lojë në pjesën e dytë.
Kujtojmë se për PSG-në kjo është finalja e dytë (pas asaj të humbur në vitin 2020), ndërsa për Interin e Simone Inzaghit është finalja e shtatë në histori, me tre të fituara dhe tre të humbura deri më tani.