Triumfi i PSG-së në finalen e Ligës së Kampionëve ka ndezur festën në mbarë Francën, veçanërisht në Paris, ku mijëra tifozë dolën në rrugë për të kremtuar suksesin historik të skuadrës së tyre.
Në qendër të kryeqytetit francez shpërtheu një atmosferë elektrizuese, me tifozët që festuan mes fishekzjarrëve, tymueseve dhe kapsollave. Entuziazmi i madh solli edhe momente paniku në disa zona, ndërsa turmat mbushën sheshet dhe bulevardet kryesore të qytetit.
Festimet nuk munguan as në Pallatin Elysee, ku presidenti francez Emmanuel Macron reagoi menjëherë pas fitores së PSG-së. Përmes një postimi në rrjetin social X, ai shprehu krenarinë për suksesin e skuadrës pariziene.
“Një yll i ri ndriçon mbi Paris. Të lumtë PSG, që po bën të gjithë Evropën të ëndërrojë. Franca është krenare”, shkroi Macron pas penalltisë vendimtare që vulosi triumfin e kampionëve francezë.
Fitorja shënon një tjetër kapitull të artë për PSG-në, e cila vazhdon të dominojë skenën europiane dhe të shkruajë historinë në futbollin kontinental.
Une nouvelle étoile brille sur Paris ! Bravo au PSG qui fait rêver toute l’Europe. La France est fière.
— Emmanuel Macron (@EmmanuelMacron) May 30, 2026