Reperi i njohur italian Fedez është bërë baba për herë të tretë. Partnerja e tij, Giulia Honegger, ka sjellë në jetë një djalë, të cilit i kanë vendosur emrin Edoardo Lupo Lucia.
Lajmin e ka bërë publik vetë ai pëmes disa fotografive nga spitali, ku Giulia shihet duke mbajtur në krahë vogëlushin, ndërsa postimin e shoqëroi me fjalët:
“Një dashuri kaq e madhe.”
Fëmija ka lindur në spitalin San Raffaele në Milano, larg vëmendjes së mediave dhe rrjeteve sociale, në një atmosferë shumë më private krahasuar me vitet kur Fedez dhe ish-bashkëshortja e tij, Chiara Ferragni, ndanin pothuajse çdo moment të jetës së tyre me publikun.
Edoardo është fëmija i tretë i reperit, i cili është gjithashtu baba i Leone dhe Vittoria, dy fëmijëve nga martesa me influencuesen Chiara Ferragni.