Operacioni kundër ndërtimeve pa leje vijon pa ndërprerje në të gjithë vendin. Ministrja e Punëve të Brendshme, Albana Koçiu, bëri sot një bilanc të veprimeve në zonën e Farkës, ku operacioni ka nisur që më 3 nëntor. Sipas ministres, gjatë kontrollit janë inspektuar 423 objekte dhe janë konstatuar 3 324 metra katrorë ndërtime pa leje.
Për këto shkelje janë vendosur masa administrative me vlerë totale prej 2 milionë eurosh. Koçiu theksoi se Inspektorati Kombëtar i Mbrojtjes së Territorit (IKMT), i mbështetur nga Policia e Shtetit, është çdo ditë në terren për të verifikuar dhe ndëshkuar çdo abuzim: “Ligji do të zbatohet deri në fund”, siguroi ajo.
Gjatë procesit të verifikimit, situata në terren përputhet me dokumentacionin që ofron Bashkia e Tiranës, për të kontrolluar nëse lejet e dhëna po respektohen nga ndërtuesit. Ky operacion ka për qëllim jo vetëm ndëshkimin e shkelësve, por edhe të autoriteteve që mbyllin sytë ose janë të përfshirë në paligjshmëri.