Një shtetas me iniciale Sh. B., 24 vjeç, banues në Koplik është arrestuar nga policia e Durrësit.
Sipas burimeve mësohet se i riu kishte marrë me qira një automjet një shtetasi tjetër me iniciale S. L., dhe nuk e ka kthyer më me pretendimin se ia bllokoi policia.
Si rrjedhojë e ngjarjes Shkëlzen Bajraktari akuzohet për veprën penale “Mashtrimi”.
Njoftimi i Policisë
Mashtroi për kthimin e një automjeti që e kishte marrë me qira, vihet në pranga 24-vjeçari.
Policia po punon për gjetjen e automjetit.
Si rezultat i veprimeve hetimore të kryera nga specialistët për Hetimin e Krimeve të Komisariatit të Policisë Durrës, pas kallëzimit nga shtetasi S. L. se shtetasi Sh. B. nuk i kishte khyer një automjet që ia kishte dhënë me qira, arrestuan në flagrancë shtetasin:
Sh. B., 24 vjeç, banues në Koplik, për veprën penale “Mashtrimi”.
Më datë 31.07.2024, ky shtetas i ka marrë me qira një automjet shtetasit S. L. dhe nuk ia ka kthyer, me pretendimin se kur ka udhëtuar në Greqi, automjetin ia kanë bllokuar autoritetet greke.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.