Një 56-vjeçar nga Kosova është ekstraduar nga Kosova, pasi në vitin 2023, tentoi të kryente një vrasje në qytetin e Beratit.
56-vjeçari në fjalë është Hamit Berisha i cili në bashkëpunim me dy të tjerë kanë tentuar t’i bëjnë atentat një personi, duke përdorur 2 armë me silenciator, maska, doreza si dhe një motor me të cilat do realizonin ekzaminimin.
Krimi u parandalua nga policia e cila ushtroi presion ndaj tyre për të hequr dorë nga vrasja dhe për të braktisur armët dhe makinën.
Berisha ishte gjithashtu në kërkim për veprat penale “Sigurimi i kushteve dhe i mjeteve materiale për të kryer vrasje” dhe “Mbajtja pa leje dhe prodhimi i armëve, armëve shpërthyese dhe i municionit”.
Njoftimi i Policisë
“Si rezultat i bashkëpunimit të Interpol Tiranës me autoritetet ligjzbatuese në Kosovë, u finalizua ekstradimi nga Kosova në Shqipëri, i shtetasit kosovar, të shpallur në kërkim ndërkombëtar dhe të kapur në Kosovë, H. B., 56 vjeç. Ngjarja kriminale u parandalua si rezultat i ndërhyrjes së Policisë së Beratit, në kuadër të operacionit “Objektivi””.