KOLUMBI– Një ngjarje e rëndë ka ndodhur me një grup studentësh, ku eskursioni është kthyer në një tragjedi. Mediat e huaja raportojnë se një grup studentësh dhe profesorësh janë përballur me një aksident të rëndë, ku autobusi i tyre u përplas. Për fatin e keq kanë mbetur të vdekur të paktën 10 persona dhe duke plagosur 11 të tjerë.
Shoferi humbi kontrollin e automjetit, i cili po transportonte 26 pasagjerë nga Tolima në Quindio. Disa njerëz u hodhën nga autobusi kur ai goditi një pengesë të urës.
Universiteti Humboldt në qytetin kolumbian të Armenisë ka shpallur dy ditë zie pas “humbjes së dhimbshme të disa kolegëve, studentëve, profesorëve dhe administratorëve” në aksident. Autobusi mbante “22 studentë, dy mësues dhe një oficer komunikimi”, tha rektori i universitetit Diego Fernando Jaramillo Lopez.
Aksidentet rrugore janë një nga shkaqet kryesore të vdekjes në Kolumbi, me një mesatare prej 22 vdekjesh në ditë në vitin 2024./Radar.al