Një ngjarje e rëndë mësohet të ketë ndodhur pasditen e sotme në zonën e Unazës së Re, Tiranë.
Sipas burimeve mësohet se D. K., 25 vjeç, banues në Tiranë ka plagosur me thikë shtetasin A. H., 34 vjeç.
Si rrjedhojë e ngjarjes 34-vjeçari ndodhet në spital duke marrë trajtimin e duhur mjekësor ndërsa policia në bashkëpunim me Forcat e Posaçme “Shqiponja” kanë vënë në pranga autorin e krimit.
Ngjarja dyshohet të ketë ndodhur për motive të dobëta.
Njoftimi i Policisë
Plagosi me mjet prerës një shtetas, për motive të dobëta, identifikohet dhe shoqërohet në komisariat autori i dyshuar.
Shërbimet e Komisariatit të Policisë Nr. 6 dhe ato të Forcës së Posaçme “Shqiponja”, pas marrjes së njoftimit se në Unazë të Re, sot rreth orës 18:45, një shtetas kishte plagosur me mjet prerës, një 34-vjeçar, kanë organizuar menjëherë punën për kapjen e autorit dhe vënien e tij përpara përgjegjësisë ligjore.
Si rezultat i veprimeve të shpejta policore, u kap dhe u shoqërua në komisariat për veprime të mëtejshme procedurale shtetasi D. K., 25 vjeç, banues në Tiranë.
Nga veprimet hetimore dyshohet se shtetasi D. K., për motive të dobëta, ka plagosur me mjet prerës shtetasin A. H., 34 vjeç, i cili ndodhet në spital, nën kujdesin e mjekëve.
Vijon puna nga grupi hetimor për sqarimin e rrethanave të ngjarjes.