Një ngjarje e rëndë ka ndodhur ditën e sotme në Korçë ku mes disa adoleshentësh ka patur përplasje fizike me thika jashtë gjimnazit “Raqi Qirinxhi”.
Për rrrjedhojë të ngjarjes burimet bëjnë me dije se ka mbetur i plagosur 1 prej tyre.
I riu mësohet të ketë marrë dëmtime në fytyrë, por fatmirësisht ndodhet jashtë rrezikut për jetën.
Policia e Korçës ka shoqëruar disa prej adoleshteve të përfshirë në këtë ngjarje.
Njoftimi i Policisë
Rreth orës 13:20, në lagjen nr. 10, dyshohet se gjatë një konflikti të çastit, shtetasi R. Ç., 21 vjeç dhe 2 shtetas ende të paidentifikuar kanë goditur me mjet prerës (thikë) dhe me përforcues grushti, një shtetas 16 vjeç.
16-vjeçari po merr mjekim në spital dhe është jashtë rrezikut për jetën.
Shërbimet e Policisë po punojnë për kapjen e autorëve të dyshuar, të cilët dyshohet se janë larguar me automjet.
Grupi hetimor vijon punën për identifikimin e 2 shtetasve të tjerë të përfshirë në konflikt dhe për sqarimin e rrethanave të konfliktit.