Një ngjarje tragjike ka ndodhur sot në qytetin bregdetar të Shëngjinit, ku një punëtor ndërtimi ka humbur jetën pasi ra nga lartësia e një pallati në ndërtim.
Ngjarja është regjistruar në zonën e Kunes. Sipas informacioneve paraprake, viktima po punonte në objekt në momentin që ndodhi aksidenti fatal.
Identiteti dhe mosha e tij nuk janë bërë ende të ditura, ndërsa në vendngjarje kanë mbërritur forcat e policisë dhe grupi hetimor, i cili po punon për të zbardhur rrethanat e plota të ngjarjes dhe për të përcaktuar nëse janë shkelur rregullat e sigurisë në punë.