DIVJAKË
Një ngjarje e rëndë është regjistruar mbrëmjen e djeshme në fshatin Kryekuq të Divjakës, ku një i ri rreth 30 vjeç, i identifikuar si Qemal Kumria, mbeti i vrarë me thikë.
Ngjarja ndodhi në ambientet e jashtme të një lokali, ku viktima ishte ulur në tavolinë së bashku me disa persona të tjerë. Autori, ende i paidentifikuar, u afrua me thikë në dorë dhe e goditi menjëherë, duke e lënë të vdekur në vend. Pas ngjarjes, ai është larguar dhe vijon të jetë në kërkim.
Sipas dëshmive, autori nuk njihet nga banorët e zonës. Viktima punonte në Himarë dhe kishte ardhur në vendlindje për të përcjellë bashkëshorten e tij, e cila kishte gjetur punë si infermiere në Gjermani.
Mungesa e kamerave të sigurisë në tre lokalet e afërta ka vështirësuar mbledhjen e provave, ndërsa policia po punon për identifikimin dhe kapjen e autorit.