Numri i viktimave në Rripin e Gazës ka arritur në 60 persona që nga mëngjesi i së martës, raportojnë burime mjekësore palestineze, sipas Al Jazeera. Mes të vrarëve janë të paktën 25 civilë, që ndodheshin në radhë për të marrë ndihma humanitare.
Situata në Gaza vazhdon të jetë e tensionuar. Forcat Mbrojtëse të Izraelit (IDF) kanë intensifikuar operacionet në zona të ndryshme të enklavës, me fokus të veçantë në lagjen Zeitoun në jug të qytetit të Gazës, ku përleshjet kanë qenë të ashpra që nga dita e djeshme.
Pavarësisht mosmarrëveshjeve të mëparshme mes udhëheqësish politike dhe asaj ushtarake, Shefi i Shtabit të Ushtrisë Izraelite, Eyal Zamir, ka miratuar kornizën e operacioneve për fazat e ardhshme, duke garantuar që plani i veprimit të jetë në përputhje me direktivat e qeverisë së kryeministrit Benjamin Netanyahu.
Rritja e numrit të viktimave, veçanërisht civilëve, ka shkaktuar reagime ndërkombëtare dhe ka intensifikuar thirrjet për një armëpushim të qëndrueshëm. Ndërkohë, situata humanitare mbetet kritike, me shumë familje që përballen me frikë dhe mungesë të ndihmave bazë.
Radar.al